مآسى شهر رمضان

لما تروح تصلى التراويح فى المسجد وتلاقى قهوة قصاد الجامع والاذان بيقول الله اكبر
وتلاقى الشباب قاعدين يشربوا شيشه وسجاير وما بيروحوش يصلوا
تبقى مأساه
ولما تطلع تصلى مع السيدات تلاقى كل واحده جايبه عيل صغير وهى جايه وياريته قاعد ساكت
لا دا عامل دوشه ومشتت تركيزك فى الصلاه
تبقى مأساه
وحتى لو مفيش عيال الستات قاعدين يتكلمو زى ما يكون سوق لحد ما الخطيب يزعق
تبقى مأساه
وخلاص صليت وخارج من المسجد تلاقى الشباب بيعاكسوا البنات الى خارجه طب دول كانوا بيصلو ليه
بس اصلا البنات الى راحه تصلى اغلبهم لابس لبس فرح تحس ان فيه عرض ازياء
تبقى مأساه
وغير المبالغه فى الاكل والشرب واكل كتير يترمى فى حين ان ناس غلابه مش لاقيينه
ولو احنا فاهمين هنعرف ان رمضان شهر مفروض انه مقربنا ومحسسنا بالغلابه دول

ياريت نرجع لربنا رمضان بدا عده التنازلى ف الانتهاء وهو شهر واحد ف السنه
اعتبره اخر رمضان فى حياتك وخليها فرصه لغفران الذنوب
اللهم اجعلنا من عتقاء شهر رمضان ومن عتقاء النار امين

شكرا لمرورك يا ديدا