علمتونا نحب .....................وقولتوا حرام

علمتونا نحب في المدرسة

حب اصحابك حب دراستك حب مدرسيك حب الحياة

علمتونا نحب في البيت

حب اخواتك حب امك حب ابوك

علمتونا نحب في الشارع

حب الناس حب الخير حب الجمال

علمتونا نحب في الدنيا

حبها وعيش معاها هتبقي خطيبتك وحبيبتك حبها..و انسي الناس
حس بيها وانسي الكل

علمتونا نحب ..........وبعد ما حبينا جايين تحرمونا من الحب
تحرمونا منه ده حرام ده غلط ده عيب
وقلبي .............!!؟؟ موته
وحبى ...........!!؟؟ ادفنه
واحساسي ........!؟؟ مفيش حاجه اسمها احساس

ليه ......... ليه بتحرمونا من حبايبنا بعد ده كله وعايزينا منحبش

عايزنا نعيش من غير قلب
طيب ليه علمتونا نحب

حرام !!!!!.....ايه الحب حرام!!
طيب ليه ربنا خلقلنا قلوب

الحب عيب !!!.......... طيب ليه خلقلنا ضلوع

الحب غلط .!!!!!.........طيب ليه حبيبتي بقت جوه دمي
قولولي ممكن بعد ده كله
وبعد مالاقيتها بعد ....ما لاقيت اللي حبها وتحبني
بعد ما وهبتلها عمري وحياتي ...ليه ؟؟

ليه بتخلونا نحب .....انتم اللي علمتونا نحب ليه؟؟؟...ليه ؟؟...
ازاي انسي حبيبتي لو كان ممكن يبقي انا بنسى نفسي
ازاى انسي قلبي لو ده كان ممكن يبقي انا بعدم حياتى

وبعد كل ده بتقولولنا لا للحب

ازاي انزع دمي من جسدي

ازاي اتنفس غير هواها

ازاي اعيش من غيرها وانا كل تفكيري فيها ليل ونهار

وانا صاحي وانا نايم

ليه بتحرمونا من اجمل احساس في الدنيا
ولو الاحساس ده غلط او عيب او حرام يبقي ليه..؟؟!!

احنا عايشين ليه...؟؟!!!

عايشين بقلوب ليـــــــــــــــــــــــــــه؟؟؟؟؟؟؟؟؟؟

هو بصراحة موضوعك كويس

بس انا مش معاه فى الكلام ده

لان هناك فرق بين الحب اللى انتى ذكرتيه

والحب العاطفى

كل انواع الحب اللى ذكرتيها مافيش اب او ام او اى حد

يتعارض معاها

بالعكس كلهم عاوزنا نحب اصدقائنا والناس ونحب الخير

ونحب اصحابنا ونصبح متفوقين دراسيا

لكن الحب العاطفى هو اللى عليه الانقسام من الناس

فيه اللى شايف انه لايصح الا فى اطار الزواج والخطوبة

وفيه اللى شايف انه مادام النية والاحترام موجودين فالحب يصح حتى يشاء الله ويصبح خطوبة وارتباط رسمى

فهو ده اللى عليه الانقسام

وكمان محدش بيمنع الحب

هو مجرد خوف من الاهالى على اولادهم

من التسلية ومن تضييع الوقت

ومن العواقب الوخيمة لو البنت اتعرفت على شاب وحش او خبيث

شكرا لموضوعك وطبتى بخير

ميرسى ليكى ع الموضوع يا جميل

بس انا رايى من راى احمد فعلا

مش كل الاهالى زى بعض فى موضوع الحب العاطفى اللى هو بين بنت وولد

فى عقليات معينة بتسمح بده وشايفة ان مفيش مشكلة مادام البنت عارفة تحافظ على نفسها

والعلاقة فى حدود وفى احترام

وفى عقليات تانية شايفه انه غلط وده ميصحش لازم يكون فى شئ رسمى للسماح بده

لكن عمر الحب ما يكون عيب ولا حرام

مفيش حد يقدر يعيش من غير حب اصلا

شكرا ليكى على طرحك للموضوع

تقبلى مرورى

وربنا يوفقك يا قمر

اولا ميرسى ليكى يا جميل على الموضوع الجميل دا

وثانيا انا مع احمد وامنيه فى رائيهم

بس عاوز اضيف حاجه صغيره

طبعا اسئل مجرب زى ما انى عارفه المثل

وانا فى سنك دا فكرت احب وكلام من دا بقى لان معروف ان دا بداية سن المراهقه

بس انا مالقتش اللى يحزرنى

بمعنى ان الحب فى الفتره دى بيبقى خطر لان دى اول مشاعر ليكى فلوا حصل حاجه

هتتعبى بجد فالحب فى السن دا خطر جدا بين الولد والبنت

لكن ممكن يعوضه بحب الاصدقاء والاقارب اكيد هيعوضك

ومش هيخليكى تفكرى فى الحب الا اذا بعدوا عنك كل اللى بتحبيهم

وسورى على الاطاله ويارب مكون ضايقتك

بس دا مجرد راى طابت ليلتك