انواع البنات على النت

طبعا ده مش رايي انا عارف انو البنات هم الجنس الظريف بس الموضوع عجبني ونقلتو اوكي


اللي عاملة نفسها عاقله

لما تفتح متكلمش حد.. تستني الكل يرحب بيها وهي تبتسم وتقول شكرا..

ولما يتفتح موضوع تقعد تفتي وتدور علي كلام كبير علي سنها عشان الكل ينبهر بيها

انصحك تبقا تسلم عليها عشان لو احتجت معلومة اتأكد انها هتهري نفسها جوجل عشان

تجيبهالك وتعمل نفسها عارفه كل حاجه


المصلحجية!!

متسلمش عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده

وساكته.. واذا احتاجت مساعدة تجيك وتسلم عليك وتقول فينك من زمان مشفتكش؟ مبتسألش

عليا ليه؟ وحشتني يا اعز اخ ليا… ياشقيقي .. انصحك بالتنفيض التام .. او البلوك لو امكن

المعقده نفسيا

ودي تلاقيها حاطه جنب اسمها كل يوم جمله تقطع قلبك من الحزن.. زي مثلا

كلنا هنموت… اخرتك ايه يادينا… وكل ماتكلمها تشكيلك من قسوة الزمن وان مافيش

حضن حنين اعرف علي طول ان مافيش حد بيعمر معاها .. انصحك اعمل نفسك مشغول

اول ماتكلمك واتحجج ان وراك مشوار واعمل نفسك اوفلين

ام دم يلطش

دي كل كلامها ضحك.. وكل شويه تكتب نكته وتضحك مع نفسها.. وضحكتها طويله تقريبا تلت

سطور.. واحيانا ماتستناش اللي يقولها حلوه.. هتضحك غصب عن عين اهلك.. بنت بقا ولازم

تجاملها هتعمل ايه.. انصحك لو ضحكت هيا تلات سطور اضحك انتا اربعه وحط .. اديك في التلج

الغلسه!!
تغيب أيام طويلة متعرفش بتروح فين وترجع فجأة.. وكلامها زي انتا فين يا غلس متزعلش من

اختك انا بهزر .. بلوك بدون تردد

ستوته

تقولك انا طباخه وتحب تتكلم عن الاكل.. ودايم جعانه ..ولما ينادوها للعشا تقفل بسرعة البرق

ودائما تتكلم عن تجاربها الفاشلة في الريجيم ..

مستحيل تشوفها في النهار لان الجو بيبقا حر.. اوقاتها من العصر و طالع. ابقا اسمعلها وماتردش

هيا هتلاقيها بترغي لوحدها

الكذابة او الهبلة

ودي حواراها كبير

اسمها الحقيقي فتحيه.سعديه.زينب . فتكات .. وتجي على النت وتقول اسمي نانسى او هيفا او روبى

فوفا.. ودايما تنتقد و مايعجبهاش العجب ولا الصيام في رجب علي طول تكلمك علي الموضه

وانها بتلبس لبس مافيش بنت في مصر بتلبسه .. ومعاها احدث موبايل .. بتتكلم علي كل

البنات اللى تعرفها بالنقض وتبينلك انها احسن واحده فيهم … تبقا تموت وتديلك رقم الموبايل

عشان تتصل بيها .. طبعا انتا نفض لحد ماتقولك … حولي خمسه جنيه رصيد هتعرف

ساعتها انها مامعهاش اللضا ونفسها اي حد يتصل بيها لما تكون في الكليه عشان تقول..

دا بيبي بيتصل بيا… انصحك تنفضلها اول ماتعرفها

ايه دا يا محى بقا كده


لا شكلك بترد على انواع الولاد


هههههه


بجد روعه بس على فكره ناقص شويه انواع دور وهتلاقى


اكيد فهمتنى يالا بقا باين كل الولاد كده


تسلم ايدك ربنا يوفقك