مكله صغيره بس يابو حميد ياري تشوفها

هو موضوع صغير بس يابو حميد ومش عارف بصراحه من ايه بس

انا مفيش تغير فى الملف الشخصى يابو حميد يعنى مفيد لقب ولا حاجه جديده واخر حاجه وصلتلها هيا العضو الملكى

فهل يا ريت فيه حاجه بعد كدا يعنى ولا لاء

وكمان ياريت يابو حميد تغير لون النيم بتاعى تخليه اخضر او اصفر لو مش فيها حاجه يعنى

ازيك يا تيتو ؟؟؟

انا عارفه انك عايز احمد اللي يرد عليك بس انا عايزه اوضح ليك شئ بس

واكيد احمد هيشوف اللي انت كاتبه وهيوضح ليك اكتر مني ....

اول شئ

طبعا اكيد في رتبه بعد العضو الملكي يامام رتبه جديده ياما

اشراف عام ياما اشراف عادي وكده يعني ....

ثانيا طبعا

عشان تغير لون اسمك وكده فده حسب الرتبه

يعني الاعضاء باللون الابيض

ويعني الاعضاء المطرودين بالون رصاصي تقريبا

وطبعا المدير والاداره باللون الاحمر

والمشرف العام باللون الاخضر

والمشرف اللي على اي قسم باللون البرتقالي

والاعضاء المميزون باللون البنفسجي

فكل رتبه حسب اللون .

واكيد احمد واخد باله واكيد كل عضو بيديله حقه

وممكن كمان عشان هو مشغول وكده

فاكيد هو بيدلك حقك مش بيظلمك او مش بيظلم حد

وياريت تفهم كلامي واكيد احمد هيرد عليك

بس انا حبيت اوضح ليك شئ بس

وعامه هتتاكد من كلامي لما تنزل في اخر الصفحه هتلاقي

على نقطه اللوان ديه وكده ...

واكيد غير كل ده في لوحه الشرف ببتتغير وبتدي كل عضو او عضوه حقها

واتمنالك التوفيق وربنا يوفقك

مفيش حاجه والله يا ديدا وانا مش مضايق من حاجه يا بنتى

بس انا بسئل بس لو فيه حاجه يعنى وانا كان نفسى اغير لون اسمى بس لاى لون تانى

وعادى يا بنتى مفيش مشكله دا مجرد استفسار بس

معلش ياتيتو لو كنت اتاخرت عليك فى الرد

والله النت عندى زى الزفت مش مخلينى لا قادر ارد ولا اتابع المنتدى

حتى انا والله برد عليك من كافى نت لان النت عندى فى البيت وحش اوى

ندخل بقه فى الموضوع اللى بتتكلم فيه يابرنس

معلش لو كان ردى طويل شوية

بس ده هيفهمك كل حاجة وهتعرف كل حاجة

ولو ان مافيش مدير منتدى بيفصح عن مايوجد فى الادارة او فى شئ

بس انا هفصح عنه ليك طالما تطرقت لمثل هذا الموضوع

اولا انا بشكر ديدا على ردها الجميل ده وانها بتفهمك ماتعنيه الالوان

انا هوضحلك الموضوع اكتر من كدة وبالصور ياتيتو

اولا الالوان دى بتندرج تحت قائمة المجموعات

ياعنى فيه مجموعة اسمها الاعضاء اللى انت منها ياتيتو واغلب اعضاء المنتدى منها وبتكون باللون الابيض

المجموعة اللى فوقيها مجموعة اسمها الاعضاء المميزين ودى انا عملتها باللون البنفسجى

عشان يبقوا معروفين عن الاعضاء العاديين

المجموعة اللى فوقيها مجموعة المشرفين ودى بللون مميز اللون البرتقالى

المجموعة اللى فوقيها واللى لسه طبعا محدش وصلها هى مجموعة الاشراف العام ودى باللون الاخضر

والمجموعة اللى فوقيها اللى هى ادارة المنتدى والتحكم المدير اللى طبعا صاحب المنتدى ودى باللون الاحمر

ودى صورة من ادارة التحكم بخصوص المجموعات

فانتا تفهم من كدة ياتيتو ان الموضوع مش زى مانتا بتقول كدة

ادينى ياعم احمد لون اخضر او احمر

فى حاجة اسمها مجموعات ونظام

كل حاجة وليها مجموعتها ولونها اللى بيميزها عن بقية المجموعات والالوان

مش ادينى لون اخضر واصفر واديلك

ده يبقى احنا فى سوووووووق مش فى منتدى وليه قواعد ونظام ومجموعات وشروط واهداف

نيجى لنقطة التوضيح وسؤالك

بخصوص موضوع الالقاب

اولا موضوع الالقاب ده ياتيتو فكرتى مش موجودة فى اى منتدى تانى

اى منتدى تانى موجود فيه حاجة واحدة بس

اللى هى الاوسمة فقط

لكن الالقاب دى فكرتى انا بمعنى ايه

بمعنى ان انا الحمد لله بعرف اشتغل على برامج تصاميم

ففكرت انى اعمل حاجة اسمها القاب وازودها فى الملف الشخصى

زى منا عملت برده وفكرت فى الرقم المفضل والحرف المفضل والكلام ده كله

بخصوص بقه انت ليه مش عندك لقب هقولك ليه

لان الالقاب لو تلاحظ ياتيتو

مافيش حد اخد لقب

غيرالمشرفين والاعضاء المميزين والمدير

مافيش عضو يندرج تحت مجموعة الاعضاء باللون الابيض ومعاه لقب صح ولا لاء

ادخل كدة ياتيتو المنتدى وابحث عن الاعضاء المميزين باللون البنفسجى والمشرفين

هتلاقى هما دول فقط اللى عندهم القاب مميزة ودى حاجة انا ابتدعتها لكى تميز هؤلاء الاعضاء

عن الاعضاء العاديين

فانتا عشان تاخد لقب مميز ادامك طريقين يا اما تبقى عضو مميز يا اما تبقى مشرف

عشان اديلك لقب لكن الاعضاء العاديين زى اى منتدى مجرد اديهم اوسمة على مجهودهم

لكن الالقاب فقط للاعضاء المميزين والمشرفين

لان لازم يكون فى حاجة تميزهم فى الاعضاء العاديين

وزى ماقولتيلك الالقاب دى حاجة انا ابتدعتها وغير موجودة فى اى منتدى تانى على الاطلاق

ولو دخلت اى منتدى تانى مش هتلاقى فيه غير الاوسمة اللى بيدوها للاعضاء

وانا الحمد لله عاطيلك وسااااام كعضو

وبخصوص طبعا ازاى تبقى عضو مميز او ازاى تبقى مشرف

فدى ليها قواعد ياتيتو وانا والله اول ماشوفها متوفرة فيك هخليك على طول عضو مميز او مشرف

اولا لو عاوز تبقى عضو مميز

المسالة دى بتتوقف عن مدى جودة نشاطك فى المنتدى بمعنى ايه ياتيتو

دلوقتى لو لاحظت الاعضاء المميزين هما 3 تقريبا

بحور الصمت الهادئة

و

last dream

و

القطة الشقية

فى لوحة التحكم فى المنتدى حاجة اسمها قوة النشااااااط

اللى هى طبعا موجودة عندك فى بياناتك الشخصية باسم تقييم النشاط

بس طبعا فيه فرق بين الاتنين

قوة النشاط اللى عندى انا كمدير فى ادارة المنتدى والتحكم دى بيظهر فيها قوة نشاط العضو فى المواضيع والردود

لكن تقييم النشاط اللى موجودة عندك ك عضو دى فيها حاجات للاسف ممكن مش تكون ضرورية

بس للاسف موجودة برده اوتوماتيكيا فى صفحات تصميم برنامج phbb

بمعنى ان انت ياتيتو او غيرك من الاعضاء لو دخل المنتدى فى يوم من غير اى مشاركات

تقييم النتشاط بتاعه بيزيد مجرد دخوله بس من غير مايشارك حتى تقييمه بيزيد

فنا طبعا مش هاخد بالتقييم ده لانه تقييم مش دقيق

ولكن التقييم الدقيق اللى عندى انا فى ادارة التحكم فى المندى وهو قوة النشاااااااااااط

قوة النشاط دى معناها مدى جوده موضوعك او ردك ودى حاجة اوتوماتيكيه ليس لى علاقة بها

ى موجودة ف ادارة التحكم عندى

ودى صورة من ادارة التحكم لقوة النشااااط

انت ممكن ياتيتو او اى عضو تانى يعمل مثلا 20 الف مشاركة وقوة نشاطه تظهر عندى قليلة جدا

وممكن عضو تانى يعمل 1000 مشاركة ولا 900 مشاركة حتى واجد قوة نشاطه كبيرة جدا

طبعا انت هتستغرب ازاى ........... اقولك ازاى ياتيتو

لو العضو اللى وضع 20 الف مشاركة ده وضعها عبارة عن مشكووووووووووووور

و 1111111111111111 و 22222222222 و 3333333333

اللى هى الحاجات زى الالعاب الكتابية والكلام اللى هو الترفيهى فى المنتدى اللى لايسمن ولا يغنى من جوووووووع

اغلب مشاركاته زى ماقولتيلك

11111111111 و 222222222222 و 333333333

كل ده قوة النشاط بتاعته بتكون ضعيفة جدا جدا جدا

لكن لو عضو وضع موضوع قيم جدا جديد من نوعه مدموج بالصور والادلة موضوع قيم

قوة نشاطه بتزيد اوى

ممكن توصل لدرجة 20 قوة

شوف موضوع واحد قصااااااااد 100 رد فى الالعاب الكتابية شوفت الفرق

قالموضوع مش مسالة عدد مشاركاتك .......... المسالة هنا مسالة كفاءة وليس عدد مشاركات

وزى ماقولتيلك الكفاءة هنا انا مش بحسبها لا دى بتتحسب اوتوماتيكيا فى ادارة المنتدى

وبشوف اعلى عضو فى الكفاءة وبخليه عضو مميز وبديله الالقاب اللى انت بتسال عليها ياتيتو

بخصوص الاشراف فلازم تصل الى انك تبقى عضو مميز او بمعنى تانى

يكون كفاءتك ككفاءة العضو المميز وليس كالعضو العادى

عشان اقدر اخليك مشرف فى اى قسم من اقسام المنتدى بجانب طبعا الشروط اللى قولت عليها اللى هى اكيد متوفرة فيك حاليا

لان المسالة تدرج

عضو ثم عضو مميز ثم مشرف ثم مشرف عام

وبخصوص الحاجة الاخيرة اللى هى العضو الملكى

فدى رتب تضع زى مانتا عارف حسب المشاركات فقط وليس حسب الكفاءة

ياعنى لو عضو دخل عمل 1500مشاركة وكل مشاركاته مشكوووووووووور

هيبقى عضو ملكى ولو واحد عمل 1500 مشاركة بس كلها مواضيع قيمة برده عضو ملكى

ولكن التميز اللى انا وضعته هو فى الالقاب والاوسمة عشان كل واحد ياخد حقه

ياعنى ممكن اتنين يبقوا اعضاء ملكيين فى نفس الرتبه

لكن ده معاه اوسمة والقاب والتانى مش معاه حاجة

وممكن عضو يبقى اقل منك فى الرتبه ويبقى عضو مميز

المسالة ياتيتو مسالة كفااااااااااااااااااااااااااااءة وتتحسب حسب قوة النشااااااااااااااااااااط

بس انا اوعدك ان شاء الله هقووووووم بعمل رتب جديدة فى المنتدى بعد رتبة العضو الملكى

لان دى اخر رتبه هى العضو الملكى

ولكن ان شاء الله ساقوم بعمل رتب جديدة

اتمنى انك تكون فهمت الموضوع كله ياتيتو

ان المسالة ومافيها مسالة كفاااااااااااااءة

وانا الحمد لله دقيق جدا

فى حاجات كتيرة ياتيتو للاسف انت مش كنت عارفها

وانا طبعا مافيش مدير اساسا لاى منتدى بيقول الكلام ده لاى عضو

بس انا حبيت اقوله ليك ولاى حد عشان يبقى الموضوع مفهووووووووووم

ولو ان عمرها ماحصلت ان فى مدير بيقول عن الحاجات دى فى اى منتدى

بس انا حبيت اقولك كل حاجة عشان تبقى فاهمها كويس

ولو اى عضو عنده نفس السؤال يلاقى الاجابة هنا

واشكرك جدا ياتيتو على استفسارك اللى اتاح ليا كمدير انى ابوح بكل شئ

لكى لايحدث لبس لاى عضو من الاعضاء

وزى ماقولتيلك اوعدك انى اعمل رتب جديدة بعد العضو الملكى

لان برده انا اللى بصمم الرتب دى ياتيتو

وانا ردى ده هنزله فى موضوع منفصل لاى عضو يرغب فى معرفة

انه يبقى عضو مميز ويعرف كل شئ زى مانتا عرفت كدة ياتيتو

دومت بخير يابرنس

[/color]

تسلم يابو حميد على الرد المفصل دا

وياريت فعلا يابو حميد تنزله لاى عضو لانه ممكن يبقى محط استفسار

ومش عارف اقولك ايه والله غير ربنا يوفقك يابو حميد

مشكور جدا يا احمد انا كنت عاوز اعرف يعنى ايه عضو ملكى ويعنى ايه عضو فضى بس كدا تقريبا فهمت مشكور جدا يا احمد