هل الصداقه بديل الحب **عاوز اشوف ارائكم

دائما إن الصداقة هي البديل الوحيد للحب... قد نمضي في الحياة بلا حبيب ...

لكننا لا نستطيع الاستمرار بلا صديق ... في الأحزان والأفراح ...

في كل مواقف الحياة التي تمر بنا أو نمر بها نحتاج إلى ابتسامة صديق .. مواسته .. وقوفه بالجوار ..

كثيره هي الأشياء التي لايستطيع أي منا أن يسر بها ألى أهله لكنه يودعها لقلوب الأصدقاء ..

أن الأصدقاء هم المرآة التي يقيمك البعض من خلالها ..

إذن .. الصداقه ضروره والصديق عمله نادره .. لكن لماذا تغتال الصداقات ؟ ..

لماذا تقتل أحيانا بطلقه طائشه تأخذ معها نبل المشاعر ؟ .. عمق المواقف وفرح السنوات ..

وكيف يجرؤ إنسان على شطب صديق حياته لخطأ عابر أو زله لسان ؟

كيف تستطيع ان تقطع صداقات حقيقية .. كيف تمضي السنون على المحبه والوئام ثم تنتهي

الأمور إلى خصام وربما عداء .. !

أتعجب من هؤلاء الذين يبادرون إلى القطيعة بدلا من التعامل مع الخلاف بميزان العمر

وحسنات السنوات .. جماليات المشاعر و المواقف النبيله التي جمعت بين قلوبهم يوم ما ..

كيف لا ترجح كفه العمر الجميل بدلا من كفه الفراق .. لم لايتم إحتواء الموقف قبل أن

يتفحل إلى قطيعه وفراق .. أليس للصداقه حق علينا ؟؟ بدلا من تركها تموت وحيدة

في ظلمات العناد و القسوة والمكابره ؟!

التساؤلات كثيره .. وأكثر هذا الكثير بدون إجابه .. وهنا يحضرني أسلوب

متميز للورنس شاينبرج وكتابه " مذكرات فاقد الذاكره " .. الذي تساءل فيه المؤلف

عمن يقرر أهميه حدث ما .. أو شي ما .. هل هو أنا أم عقلي ؟ .. وهل عقلي يسيطر علي ؟

أم أسيطر أنا على عقلي ؟ ..

وبالعوده إلى موضوعنا .. فلكل حكمته و قدرته على التسامح ..

والصداقه الحقه لا تموت .. كما الأصدقاء الحقيقيون لا يختفون بشطبه قلم أو زر ريموت كنترول

إذا ماكنا نتعامل مع العلاقات الإنسانيه بإسلوب عصري .. بل هم سجلات الحياة ..

لا يستحقون التضحيه بهم في مقابل كل ماهو آني وطارئ ويمكن علاجه و إحتواؤه ..

الصداقه عمله نادره فلنتعلم كيف نصادق..؟

وسؤالي هو.. هل الصداقه بديل للحب ؟؟؟

اهداء الى قمر المنتدى

نـــــــــــــــــــدى (نور الحياه)

بمناسبة الاشراف على هذا القسم

بجد موضوعك ياتيتو فوق الممتاز وانا سعيده جدا

انى هنال شرف اول واحده ترد ع الموضوع الممتاز ده

وبصراحة يا تيتو موضوع شيق جدااا

بس هتكلم الاول عن الصداقه

الصداقة دي حاجة رائعة اتنين بيفهموا بعض وبيحسوا ببعض

مستعدين يعملوا أي حاجة علشان بعض وفى الصداقه الحقيقيه

المفروض ميكنش فيه فرق بين الاتنين

أما بخصوص سؤال تيتو

هل الصداقه بديل للحب ؟؟؟

بعتقادي انه مستحيل 2 بعد ما حبوا بعض وينسواالحب

و تكون العلاقة صداقة

لان علاقة الحب بتشيل الرسميات و كتيرمن الامور متل

الامور الشخصية الي بيكون مش من حق اي انسان

يعرفها الا الحبيب و كتيييير اشياء خاصه بين الاتنين

يعنى الحب مستحيل يتحول لصداقه لأنهم

بيكونوا فهمو بعض وحبو بعض

فلربما كان الحب قطعة سكر ,
تضفي حلاوتها على ايام العاشق , و غالبا ما تذوب مع الأيام

و لا يبقى منها سوى ذكرى طعمها الحلو...

الحب شمعة تنير درب المحب ...

اما الصداقة بيكون في حواجر و رسميات ما راح يقدروا يتخطوها

لانهم متعودين على العلاقة اللي بدون حواجز

وده مش موجد بين الاتنين المغرمين ببعض وبالحب اللى بينهم

وده رأى وسورى لو كنت طولت بس موضوعك يستحق

وميرسى ع مواضيعك المتميزه

والله ياتيتو مينفعش الصداقة تصبح بديل للحب ولاينفع الحب يبقى بديل الصداقة

لان كل من الحب والصداقة ليهم تعريف وليهم مسمى وليهم طريقة واسلوب خاص بيتعامل بيهم اى شخص مع حبيبه او مع صديقه

بمعنى ان انا لما احب انسانة بيكون فى اسلوب للتعامل معاها فيه رومانسية وحب وفيه جدية وفيه تفكير وفيه خوف وقلق وفيه مشاعر جميلة القلب بيحس بيها

ولما انا اصادق انسان بيكون فيه احترام بيكون فيه مشاركة للاراء بيكون فيه صفات مشتركة بينى وبينه

لكن طبعا المشاعر بتكون للحبيب بمقدار كبير عن الصديق

فمينفعش الصداقة تبقى بديل للحب ولا العكس

لان كل حاجة وليها طريقتها

انا لما اصادق انسان غير لما احب انسانة

دى حاجة ودى حاجة والاتنين مطلوبين فى الحياة واساسيين

الصديق مطلوب والحبيب مطلوب

شكرا ليك ياتيتو على طرحك للموضوع الرائع ده

هههههههههههههههه

وسورى ياتيتو موضوعك نسانى انى

اشكرك ع الاهداء الجميل ده

اهداء جميل من انسان أجمل

ثانكس تيتو

مرسيه يا تيتو على موضوعك الجميل دا

وانا احب اقول رايى معاكم لو تسمحولى ياعنى

الصداقه بصراحه متنفعش تكون بديل عن الحب ابداااا

اللى هو الحب العاطفى بين بنت ولد

غالبا بتكون الصداقه بين بنتين او ولديين

ولو تلاحظ معظم الصداقات بين بنت وولد بتتقلب لحب وارتباط كمان

معاك الصديق هيكون معاك فى كل حاجه وهيقف جمبك

وخصوصا لو كان انتو الاتنين شخصيتكم متقاربه فسهل انك تحكى ليه كل حاجه

لانه اكيد هيفهمك وهيحس بيك اكتر من نفسك

انما الحب دا احساس تانى

وكل انسان بيتمنى يجربه ويحسه ولو حتى عنده صديق

فصدقنى عمر الصداقه ما تكون ابداا بديل للحب

غصب عنك فيوم من الايام هتحب ودى حاجه موجوده فى كل انسان

شكرا تيتو على موضوعك

وكمان احب اهنى معاك ندى على الاشراف
الف مبروك ليها

ميرسى على الردود الجميله دى

وانا مقتنع والله زيكوا بس كنت عاوز اشوف حد ممكن يقدر يعمل كدا ولا لاء

وربنا يوفقكم جميعا نورتونى كتير

ودا اقل واجب ليكوا ندى ربنا يوفقكم

جميل الموضوع اوى

بس طبعا لايمكن الصداقه تكون بديل للحب

لكل منهم مشاعره واحاسيسه بيحتاجه الانسان

ماينفعشي حد يعيش من غير صداقه بيبقى فيها الانسان على طبيعته اووى بس ياريت نلاقى الصداقه الحقيقيه اللى بجد بتبقى احلى حاجه فى الدنيا

لكن الحب عالم تانى غير الصداقه عالم كده ماينفعشي نقارنه بالصداقه او باى علاقه تانيه

وميرسي مره تانيه ع التوبيك

ميرسى رحمة على المرور الجميل دا

والتعليق الاجمل دا يا جميل

وفعلا عندك حق فى كلامك صعب اوى نلاقى الصداقه الحقيقيه

واكيد الحب عالم تانى طبعا بس فيه ناس قابلتنى وليهم راى تانى فكنت عاوز اشوف مين الصح بس

وربنا يوفقكـ