عندى مشكلة وياريت حد يرد على

بسم الله الرحمن الرحيم
انا مشتركه فى المنتدى ده عشان جميل وعجبنى اوى وبصراحة انا لقيته منتدى متعاون مع بعض فانا عندى مشكلة وياريت حد يحلهالى هى مش مشكلتى انا هى مشكلة واحدة صحبتى وهى روحى وباعتبرها اكتر من اخت

وهى انها بتحب واحد جارها من 3سنين وهو بيحبها قوى بس هى خايفه وبعدين جارها ده عايزها تقوله بحبك بس هى مش راضية مع انها بتحبه اوى بس هى وكانت بكلمه قالتله يا حبيبى ماكنتش قصدها فهو فرح اوى وبعدين طلب منها انه يمسك ايدها بس هى طبعا ما وفقتش وهو زعل منها واتخصموا وبعدها اتصلحوا تانى وهو قالها اجيب الورقه والورقه دى عبارة عن قلب ومكتوب فيها بحبك بس هى قالتله لا واتخصمموا وبعدها اتصلحوا تانى وطلب منها ان تاخد الورقة بس هى قالتله سبنى افكر
وبعدين هى دلوقتى محتارة تعمل ايه تتمسك بيه ولا ............

ياريت حد يرد عليا بسرعة اوى عشان هى بتتعذب اوى مستنية الرد اوى

اولا اهلا بيكي يا ناني في منتدانا

هي مشكلة صحبتك صعبة شوية

وعايزة منها قوة ايمان باللي هي هتعملة

ومحدش هيقرر الموضوع دة غيرها

وانا راي انها تفضل متمسكة بموقفها يعني ميمسكش ايدها ولا حاجة

وهي تفكر بالعقل كدة العلاقة دي مستمرة من 3 سنين

هي منتظرة اية علشان ياخد خطوة جدية في موضوعها

فلازم الموضوع ياخد شكل عملي اكتر من كدة

اصل مش معقول هيقعد 3 سنين يدرس اخلاقها ومميزاتها وعيوبها والحاجات دي

فهي اللي هتقرر هو فعلا شخص صادق معاها في تصرفاتة وافعالة

ولا شخص عايز يتسلي وخلاص

هو الموضوع هيبقي عليها صعب لانها بتحبة

بس ياريت تفكر بعقلها اكتر ما تفكر بقلبها

وهل هو ظروفة هتسمح لة ان هو يفتح بيت ويعمل اسرة ولا لا

كل الاسئلة دي هي اللي هتجاوب عليها

ومعلش للاطالة واسيب احد الاعضاء يقول راية!!!!!!!!!!!!11

اهلا بيكى نانى فى المنتدى
بصى انا رأيى مختلف عن الاراء التانيه وطبعا القرار الاخير ليها بس انا هقولك رأيى
(( انتو مقدرين ايه معنى واحد يفضل 3 سنين يحب واحده ومتمسك بيها ده طبعا واكيد ملوش غير معنى واحد انه بيحبها بجد لان بصراحه الشاب لما بيكون عاوز يتسلى مع واحده فاللى بيحصل كالاتى اولا بيروح يكلمها بحنية والكلام ده ولو وافقت اوكشن بيدلع نفسه يومين وبعدين يشوف غيرها وهكذا ولو مردتش تكلمه بيطلع عليها سمعه وحشه ويقول انه كان ماشى معاها وطلعت مش كويسه
ده اللى بيحصل ... اما بالنسبه لان انسان يفضل 3 سنين بيحب واحده بالطريقه دى فده ملوش غير زى مانا قلت معنى واحد انه فعلا بيحبها وياريت هى تتجرأ وتتكلم معاه وتفهمه وبصى هى الحياة تجارب مش جايز يطلع انسان كويس مع انى متأكد من كلامك ده بقاله سنين انه انسان كويس لان مفيش شاب بيكون عاوز يتسلى بواحده ويقعد يجرى وراها المده دى كلها .. هى مش هتخسر حاجه لو اتكلمت معاه بكل ادب واحترام وتحاول تفهمه وهى هيبقى ليها القرار الاخير طبعا .. وعلى رأى اخويا تيتو انتو لسه صغيرين اوى يعنى متستعجلوش على الحب هههههه
اتمنى لو كنت افادتك

مصيحه باختصار ومن مجرب ومنغير رغى وكلام كتير حاجه واحده عاوزه تعرف هو بيحبها وعاوزها وشاريها ومش بيتسلى بيها ولا لأا وتعرف كمان انها من حقها نها تتمسك بيه ولا لأ تبعد عنه وتشوف هو هيعمل ايه بس ياريت مش تضعف وتروح تجرى وراه الفتره اللى هى هتبعدها عنه دى

انا هقولك المختسر المفيد هوانها لازم تروح له وتوجهه وتقوله انى قولت لمامتى عن انك بتحبنى واول ما يبقى الوقت مناسب هتتقدم لى رسمى ساعتها لو رحب بالموضوع ووافق يبقى بيحبها بجد ومش بيتسلى لكن لو بعد وهرب فهو انسان مستهتر ومبيحبهاش واحسن لها تبعد عنه وتشوف مستقبلها وعلمها
لك خالص تحياتى

انا مع confused.lovers
ان لو حد بيحب حد اوى هيفضل معاه طول العمر لكن لو حابب يتسلى مش هيقعد معاها الفترة دى كلها
وحكاية ان لازم يمسك ايدها اكيد لازم ترفض وممن تكون تجربة ليها
ولو هيا متاكدة منه ومتاكده انه بيحبها يبقى تقوله عادى انها بتحبه بس مش تادخد منه ورقة عشان مش تحصل ليها مشاكل
وتحاول تعمله تجارب تتاكد منه