قالى الوداع....قولتلة قشطة

ولا دمعه نزلت
ولا قلب انجرح
ولا وساده خاليه زي بتاعه عبد الحليم تمزقت من كتر التفكير في الحبيب الضائع
اصبحنا في عالم جاف خالي من المشاعر الحقيقيه
عالم اختفت منه الرومانسيه والصدق والوفاء
ناقش نفسك كم مره وقعت في قصه حب
وماذا تركت في نفسك من اثر
هل علمت معك
هل تركتك مهموم ومحطم
الاجابه في الاغلبيه لا
الولد متفرقش معاه فلانه او علاته
والبنت اهو اي شاب لطيف وخلاص
هل نحن في عصر الجفاف في كل شيء حتي المشاعر
يحب الولد الفتاه ويمنيها سنين بالعش الجميل وعند ما يكون قادر علي الزواج يزهب لوالدته تخطب له مجهوله لا يعلمها مع ان المجهوله اي بيفتكرها معرفتش غيره كانت بتحب واحد بردو وسابها لنفس السبب!!!!!! طيب مانت كان معاك الي ملكك والي مكنتش بتحب غيرك!!!!!
بس تعمل ايه في عصر اختفي منه المشاعر الصادقه!!!!
لنلقي نظره علي حب دام اكتر من سنه

احمد:دودو سوري انا مش هاقدر اكمل معاكي
انا مضطر اسافر
دودو::طيب استناك
احمد:لا يا بيبي ممكن مش ارجع
دودو:طيب وحبنا
احمد:حب ايه بس يا بنتي هو انا لاقي اكل علشان احب واتجوز
دودو:يعني كنت بتهظر ومكنش حب!!!
احمد:لا طبعا كنت معجب ومازلت بس هاعمل ايه
دودو:اوك ربنا يوفقك
<<<<<<<وكل واحد مشي في طريق>>>>>>>
لا قلب اتحطم ولا عيون دمعت
احمد هيحب تاني وتالت
ودودو هتحب او تستني العريس
ونموذج تاني
تامر:نانسي انا مضطر اسيبك
نانسي :ليه يا تيتو
تامر:ماما جابتلي عروسه ولازم اتجوزها
نانسي:طب وانا
تامر:معلش يا نانو احنا بردو هنفضل صحاب
نانسي:انت شايف كده
تامر:سوري يا بيبي
نانسي:عادي ولا يهمك اي دونت كير
هههههههههههههههههههههههههههههههههههههههه
ولا عين بكت ولا قلب انجرح
ونماذج كتير
وانا متاكد انكم تعرفوا كتير عنها
وممكن تكونوا ابطالها

يلا الله يرحم زمن عبد الحليم
وروميو وجوليت
وكل قصص الحب الرائعه
واهلا بزمن الجفاف والفتور والعلاقات البارده الزائفه وقصص حب التيك اواي وحب اليوم الواحد وحب الشواطيء والنت وغيره!!!!!!!!
يالا عايزين رايكم

اه فعلا موضوع رائع جدا والحب الايام دى بقه تيك اواى على السريع زى لما اتصل بواحد صاحبى

وقفل معاه الحب دلوقتى كدة

بس برده فى قصص حب ناجحة وحلوة بس قليلة

فعلا الحب دلوقتى بقى تيك اواى بينتهى فى مكالمة تليفون

لان مبقاش فى حب بجد الرومانسيات والعواطف مش بقت موجوده فى الزمن ده

انا عن نفسى مش ببكى على حد

اه بزعل صحيح ان حد ضحك عليا بس مش ببكى عليه

أصل الحياة مش هتقف عشانه

أهلا " أصعب حب " بالتوبيك الجامد بتاعك ده
أنا مش هارد عليكي بس عايزك تفكري بقلبك مش بعقلك
هل انتي تفتكري ان عصرنا ده بقي خالي من العواطف والمشاعر الجميلة ؟؟؟
أعتقد ان اجابتك هتكون " لأ لسه فيه حب واخلاص ومشاعر جميلة بين الناس "
ومش معني انك اخدتي جانب من الموضوع د يبقي تهملي جانب الناس المخلصة
في النهاية بأهنيكي علي موضوعك الجميل
وربنا يوفقك

شكرررررا ليك ياwolves dancer
واهلا بيك في المنتدي
وبخصوص سؤالك عن وجود المشاعر الصادقه بقولك احنا في زمن المخلص فيه نسميه ملاك وبيبقوا ناس تتعد علي صوابع اليد
والناس الوقتي هوايتها التجريح وذل بعضها محدش بيخلص لحد ولابيوفي لحد ودي وجهة نظري وكل واحد له وجهة نظره مع احترامي ليك.................
نورت المنتدي

الحب هيفضل موجود طول ما احنا عايشين
والمشاعر الجميله عمرها ما هتختفي ولا هتنتهي
الصدق والإخلاص والوفاء موجودين
حتي لو قلوا شويا بس موجودين
وصدقيني ال بيحب حب حقيقي لازم بيوفي بوعده
وعمره مايتخلي عن حبه مهما كانت الظروف
انا معاكي ان الزمن اتغير كتير وبقي فيه حاجات كتير مش كويسه
وفي ناس فعلا بتسلي نفسها وبتضيع وقت وخلاص
بس مش كلللللللللللللللللللللللللللللللللللللللللللللللله
ودي حاجه انا واثقه منها
وعلي فكره في بنت لو حبيت بجد وحبيبها خدعها ممكن يحجزولها جناح مؤبد في مستشفي
اخيرا ميرسي علي التوبيك
واسفه علي الإطاله