ادخــل الان وشــارك لعبة كرسى الاعتراف

سلامتك من الصداع يا احمد

ويلا حد يبتدى يسأل علشان كلنا نسالك المونتو بتاعنا

طب انت قد الاسئله دى يااحمد وان شاء الله مش هتصدع ولا حاجه

لا ادها ونص يا هند متقلقيش عليا

نورت الكرسى يااحمد والله وانا هبدا الاسئله
1_اذا كنت يااحمد مثلا بتحب واحدة جدا جدا جدا ومتقدرشى تبعد عنها وطبعا كلمت اهلك وبعدين هما مش موافقين عليه وقالولك فى الحاله دىيااحنا ياهى تختار ايه ؟ وليه؟

2_لو انت مثلا راكب سفينه والسفينه دى فى وسط البحر وفى السفينه دى شحصين عززين عليك اوى (اخوك وحبيبتك)ولازم تضحى بحد عشان السقينه تقدر توصل لبر الامان.ياترى هضحى بمين وليه؟

3_هل لو ليك اخت وفى يوم من الايام جت قالتلك دا زميلى عايز يتعرف عليا ياترى هتعمل ايه فى الموقف دة ياترى هتوافق ولا هترفض بس تقول الاسباب سواء كان بالرفض او الموافقه

4_انا عايزة اعرف لو حد بيحبك وانت متعرفشى ياترى فيه علامات ممكن تعرفها وتعرف انه بيحبك منها يعنى فى علامات بتظهر عليه
وليه العلامات دى بالذات؟

5_انا عايزة اعرف الحب من وجهه نظرك ايه؟

6_هل انت تعلمت من تجاربك السابقه ولا لاء؟

7_هل انت عند استعداد تحب احدة وانت واثق ان هى مش ليك؟

8_ياترى الى اى مدى تتضحى فى سبيل حبك؟

9_ايه الامنيه الى انت اتمنتها فى يوم من الايام ومش اتحققت؟

10_ياترى ايه الحاجه الى انت عملتها على مر حياتك وندمت على فعلها؟

11_ايه الحاجه الى انت فقدتها وعايزها ترجع تانى ليك؟

12_ايه اول حاجه تفكر فيها لما تيجى ترتبط بواحدة؟

13_هل انت شايف نفسك ان انت تقدر تتحمل مسئوليه الحب والزواج والبيت والعيال وكدة؟

14_ماذا تعنى كلمه المستحيل ليك؟

15_هل انت مخلص فى حبك ؟ يعنى لما تيجى تحب بتخلص اوى

كفايه كدة يااحمد انا عارفه ان الاعضاء التانين هيزعلوا عشان ان اخدت نصف الاسئله

بس عايزين الصراحه زى ماتعودنا منك وياريت اسئلتى مش تضايقك وربنا معاك

ياااااااااااااة 15 سؤال واحنا نسال اية دة انتى خدتى نص الاسئلة يا هنودة
يالة مش مهم
السؤال الاول

لو هتعيش مع حد واحد بس ف الدنيا دي كلها
مين الشخص اللي تختارة عشان يكون معاك لوحدكم ؟؟؟

السؤال التانى
هل انت بتحب الزواج عن حب ولا زواج الصالونات ؟؟؟

السؤال التالت
هل انت مع عمل المرأة ولا لاء ؟؟
بما انت راجل وكدة ترضى ان مراتك تشتغل اصل كتير جدا من الرجالة مبيرضوش

كفاية كدة اسئلة علشان باقى الاعضاء يسالوا

ما شاء الله يا هنوده 15 سؤال

اووووووووووك طيب من غير زعل بقى يا مونتو

الاسئله مفتوحه يعنى مفيش حد اقصى

يعنى اسألوا زى ما تحبوا يا جماعه

ومش هتأخر عليك فى الكرسى يا مونتو..........

انا بقى مش هتقل عليك في الاسئله يا احمد كفايه اسئله هنوده

السؤال الاول :
هل ممكن تنسى جرح الحبيب مع العلم انه جرحك جرح صعب وانت اتألمت منه كتير ؟

السؤال الثاني :
هل ممكن تغفر الخيانه لاي حد ؟ وليه ؟

السؤال الثالث :
هل تملكتك الغيرة او الحقد يوما ما من احد اصحابك ؟

السؤال الرابع :
هل انت شايف ان الولد ممكن يرتبط وهو لسه بيدرس ؟ وليه ؟

السؤال الخامس :
بتحس ان مين اكتر واحد مخلص ليك في الدنيا ؟

السؤال السادس :
هل ممكن تفضل نفسك على اعز اصحابك ؟ وهل انت من النوع اللي ممكن يغتاب اصحابه علشان نفسه ؟

بس كفايه عليك كده اوك
يالا جاوب بسرعه

بصراحه ربنا معا المونتو
الاسئله كتيير وحلوة وانا كمان هسألك كام سؤال ومش هكتر هنوده بصراحه قامت بالواجب

1_اكتر موقف مؤلم فى حياتك ؟او حد خانك قبل كده من اصدقاءك؟؟؟

2_مين اكتر شخصيه عجبتك ؟وليه؟.؟؟؟

3_امتى اخر مرى بكيت فيها وليه؟؟؟؟ وايه رأيك فى دموع الرجل شايف انها عادى
ولا غلط ان الرجل يبكى زى ما البعض بيقول كده؟؟؟

4_ايه رأيك فى الانتقام فى الحب ؟يعنى ممكن تكون بتحب واحده ويحصل اى ظروف تبعدكوا ع بعض
يا ترى هتنتقم منها حتى لو هى غطت فيك ؟ولا الى بيحب بيسامح؟؟؟
(وطبعا ما نتمناش يحصل ده لاى حد ان شاء الله)

5_ (اللى راح راح ومش هتنفع كلمه يا ريت ) الجمله دى بتفكرك بايه؟؟؟

وكفايا عليك كده هههههههههههههه

يلا يا مونتو وادى الكرسى بتاعك

** ادخــل الان وشــارك لعبة كرسى الاعتراف ** - صفحة 19 5dw5l_com-fa80baf8cf

واستنى اسئلتى لسه بظبط سؤالين...........

يالة يا مونتو ادخل وجاوب ع الاسئلة والكرسى السندباد جابة اهة وزى الفل واعد كدة جاوب يالة

حلو الكرسى يا سندباد

بس اللعبه بتقول 25 سؤال خلاص
بما ان الاسئله مفتوحه اسال كمان ياسندباد ولا كفايه كدة على احمد
اصل ان شايف الاسئله كتيييييير اوى عليه
دا 15 سؤال مش كفايه انا كنت عايزة اسال اكتر من كدة بس قلت اسيب ليكوا شويه اسئله
يالا حصل خير

لالالالالالالالا اسألى انتى زى ما تحبى

احنا لازم نتوصى بأحمد.........

يعنى اسال انا كمان طب كويس والله

دة انت هتموت يا موتنو من الاسئلة هتطلع مصدع ع الاخر

انا كمان هسال يااحمد ومتزعلشى بقى من الاسئله الكتيرة دى
1_ايه الحاجه الى انت شايف ان انت لازم تتغيرها فيك وليه؟
كفايه كدة سؤال واحد وخلاص وربنا معاك يامونتو

وانا كمان هسال كام سؤال كدة
متى يكون الحب عذابا؟؟؟؟؟؟؟؟

اية رايك فى الحب من طرف واحد وهل جربتة ؟؟؟؟؟؟؟؟

هل ممكن تحب واحدة كانت مرتبطة بحد قبلك؟؟؟؟

كفاية كدة علشان باقى الاعضاء

كل دى اسئلة لدرجادى انتوا بتحبونى انا كنت بهظر لما قولت انى مستعد وكدة باينكم اخدتوا الموضوع جد وشكلى فعلا هيجيلى صداع نصفى او كلى والسندباد كمان خلى الاسئلة مفتوحة ياعنى سجن مدى الحياة مكفاية مؤبد 25 سؤال عموما هحاول اجاوب وهبدأ بهنودة مع ان هنودة متوصية بيا على الاخر

نورت الكرسى يااحمد والله وانا هبدا الاسئله
1_اذا كنت يااحمد مثلا بتحب واحدة جدا جدا جدا ومتقدرشى تبعد عنها وطبعا كلمت اهلك وبعدين هما مش موافقين عليه وقالولك فى الحاله دىيااحنا ياهى تختار ايه ؟ وليه؟

اقولك ياهنودة دلوقتى مثلا انا لو كلمت اهلى بخصوص واحدة انا بحبها وهما مش موافقين عليها انا هعمل ما بوسعى انى اقنعهم بشتى الطرق هحاول اقنع فيهم بكل الطرق الممكنة والحجج الممكنة لو منفعش ومصممين على رايهم لازم يقولوا سبب مقنع جدا جدا لرفضهم للعروسة زى مثلا ابوها تاجر مخدرات مثلا امها بتشتغل فى كباريه (هههههه) حاجات من دى لو مقالوش ليا سبب مقنع خلاص انا هتجوزها واللى يحصل يحصل لان دى حياتى انا مش حياة حد تانى وانا حاولت اقنعهم ومنفعش وقولتلهم على اى سبب مقنع يخلينى اسيبها وطبعا مافيش سبب فهتمسك بيها وعمرى ماسيبها نهائى وهتجوزها

2_لو انت مثلا راكب سفينه والسفينه دى فى وسط البحر وفى السفينه دى شحصين عززين عليك اوى (اخوك وحبيبتك)ولازم تضحى بحد عشان السقينه تقدر توصل لبر الامان.ياترى هضحى بمين وليه؟

انا لو كنت فى الموقف ده اول حاجة هفكر فيها اشوف اى حل تانى غير ده ولو مافيش حلول تانية ومافيش ادامى غير كدة بصراحة ساعتها هفكر بعقلى وهختار حبيبتى اضحى بيها وده لاسباب كتير اولا انا هشوف كل واحد فيهم هو بالنسبة ليا ايه اولا انا اول ماتولدت وانا اخويا معايا ومع بعض ودمنا دم واحد لكن حبيبتى يدوبك عارفها فى مرحلة متاخرة من حياتى ثانيا اخويا مهما زعلت معاه ومهما حصل بينا عمرنا ماهنفارق بعض الا عند الموووووووووت لاننا اخوات لكن حبيبتى احتمال الفراق والهجرة واننا نسيب بعض وارد جدا وحصلى 3 مرات ياعنى المسالة ممكن نحب بعض وفى الاخر ممكن اغنى اغنية (افترقنا لتامر عاشور) ياعنى مش هتبقى عليا زى اخويا اللى من دمى فختار حبيبتى اضحى بيها

3_هل لو ليك اخت وفى يوم من الايام جت قالتلك دا زميلى عايز يتعرف عليا ياترى هتعمل ايه فى الموقف دة ياترى هتوافق ولا هترفض بس تقول الاسباب سواء كان بالرفض او الموافقه

لو اختى جت قالتلى كدة هقولها عاوز يتعرف عليكى ليه وقبل كل حاجة انا اتعرف عليه الاول واعرف هو عاوز يتعرف باختى ليه وعشان ايه وهفضل اساله واختبره واعرف شخصيته كويس وان كان هو شخص محترم ولا لاء وهحاول اعرفه كويس جدا جدا ولو اتاكد منه ممكن يكلم اختى فى حدود المجال اللى هما فيهم الدراسة او الشغل ولازم يكون الكلام بينهم بحدود وبادب ولاسباب ولو مافيش اسباب يبقى مافيش كلااااااااااااااام

4_انا عايزة اعرف لو حد بيحبك وانت متعرفشى ياترى فيه علامات ممكن تعرفها وتعرف انه بيحبك منها يعنى فى علامات بتظهر عليه
وليه العلامات دى بالذات؟

اه اكيد فى علامات بتظهر على الانسان اللى ممكن يحبنى ياعنى ممكن احس انه مهتمية بالكلام معايا احس ان هى بتحب تكلمنى احس من خلال نظراتها بمشاعر حب واحترام اسمع منها دايما نصايح واحس ان هى مش بتزعل منى خالص او حتى لو زعلت بتمسك اعصابها عشان بتحبنى احس مثلا انها بتدعيلى بالتوفيق وبالخير واحس منها من كلامها ومن اسلوبها فى الكلام انها محترمانى جدا وكمان غير كدة ويمكن دى حاجة اساسية كلامها ممكن يتطرق للحب ياعنى تسالنى عن ماضية تسالنى عن تجارب ليا تسالنى عن مواصفات الانسانة اللى بحبها وكدة ياعنى

5_انا عايزة اعرف الحب من وجهه نظرك ايه؟

الحب من وجهة نظرى مفهمومه كبير اوى واكيد انتى قصدك الحب العاطفى وده هتكلم فيه ان اتنين مشاعرهم جميلة وصافية وبينسوا المشاكل وهما مع بعض والحب بيعنى الاحترام وبيعنى انك تخاف على حبيبك وتنصحه وتتمناله الخير والحب انك لو فيك صفة مش كويسة تحاول تغيرها عشان تسعد حبيبك واكيد طبعا واهم حاجة انك تراعى ربنة فيها وهى تراعى ربنة فيك ياعنى متكبش عليها نهائى فى اى حاجة ولا هى تكدب عليك

6_هل انت تعلمت من تجاربك السابقه ولا لاء؟

اه طبعا اتعلمت حاجات كتير من تجاربى السابقة واكتر حاجة اتعلمتها ان مافيش أمان لحد دايما الواحد لازم يكون حريص ويحط احتمالات دايما لاى حاجة ويعرف ان اللى معاك دلوقتى وبيحبك ممكن بكرة فى لحظة ويمشى جمبك ولا كانه يعرفك ياعنى دايما الاحتمالات واردة

7_هل انت عند استعداد تحب احدة وانت واثق ان هى مش ليك؟

لالالالالالالالالالالالالالالالالالالالالالالالالالا والف لالالالالالالالالالالالا انا ضد الحب من طرف واحد خالص لان الحب ده بيكون مبنى على المشاعر والاحاسيس ومش مبنى على العقل مجرد مشاعرى وقلبى اللى بيحركونى وبس فنا ضده لان العقل لازم يتحرك ولازم احب بعقل واعرف اللى ليا واللى عليا وافهم كل الظروف اللى بينا

8_ياترى الى اى مدى تتضحى فى سبيل حبك؟

اضحى باكتر حاجة ممكن امتلكها واقدر عليييييييها لو حبيت بجد اضحى بحاجات كتير اوى لو كانت حبيبتى فى نفس احساسى ونفس مشاعرى ومش هتتخلى عنى انا عمرى ماسيبها ابدا لكن لو انا بحبها وهى ضعفت واتخلت عنى انا هتخلى عنها لكن لو متمسكة بيا انا هعمل اى حاجة عشانها بس برده بالعقل بدون تهور افكر برده

ايه الامنيه الى انت اتمنتها فى يوم من الايام ومش اتحققت؟

اتمنين انى ارتبط بانسانة من حوالى 5 سنين ومتحققتش هى دى الحاجة اللى ممكن اكون فاكرها ومتحققتش مع انى كنت بانى اكتر احلامى عليها

10_ياترى ايه الحاجه الى انت عملتها على مر حياتك وندمت على فعلها؟

سؤال صعب لان فى حاجات كتير ندمت على فعلها بس بعد كدة الندم بيروح وبنسى بس سؤالك انا مش عارف المقصود به ايه هل مثلا المقصود بيه ان انا حاجة كنت عاوز اعملها بس فى حاجة عطلتنى ومعرفتش اعملها ولا المقصود بيه الندم على شئ انا عملته عموما انا هقولك على انى ندمت قبل كدة انى فى وقت من الاوقات لما كنت مرتبط والعلاقة فشلت مريت بمرحلة مش حلوة فكنت محتاج حد ينسينى الالم والجراح اللى فيا فكنت عارف بنت فقولتلها انى بحبك مش عارف انا حسيت ان هى قلبها عليا بس بعد كدة عرفت ان اللى فيا مش حب ليها مجرد ان انا عاوز انسى الجرح فقولتلها وبصراحة كنت مضايق جدا من نفسى وهى فهمت الحوار وبعدنا عن بعض خالص بس هى مكنتش متعلقة بيا ولا حاجة ده مجرد كانت فى بداية اعجاب بس انا لحقت نفسى وقولتلها
11_ايه الحاجه الى انت فقدتها وعايزها ترجع تانى ليك؟

انا بجد كل حاجة بفقدها فعلا بيبقى من جوايا انها ترجع تانى ليا لكن مع مرور الزمن انا بنسى وبشوف حاجات بديلة ياعنى كل حاجة بفقدها وبتروووووووووووح منى ببقى عاوزها ترجع تانى وبفضل مدة افكر فى الحاجة دى لكن الزمن والظروووووووووف بينسونى كل حاجة وكمان فى حاجات بديلة عنهم

12_ايه اول حاجه تفكر فيها لما تيجى ترتبط بواحدة؟

معنديش حاجة اولية او معنديش حاجة ممكن افكر فيها اول حاجة هى كلها على بعضها ممكن افكر فيها احترامها واهلها وشكلها وتدينها وحاجات كتير بس يمكن اكتر حاجة اوى تشدنى للبنت تحسسنى ان هى بنت يعنى مثلا تكون رقيقة خجولة احس منها ان هى بتتكسف وعاملة نفسها كرامة وتقيلة وعندها حنان وبتحس اوى وتكون مشاعرها رقيقة اوى وجميلة هى دى اكتر حاجة ممكن تشدنى لان ممكن اجيب واحدة فيها حاجات كتير حلوة لكن تكون جريئة ومش رقيقة وعنادية والصفات اللى هى موجودة فى الولد موجودة فيها مش بحب تكون البنت كدة ابدا

13_هل انت شايف نفسك ان انت تقدر تتحمل مسئوليه الحب والزواج والبيت والعيال وكدة؟

بصراحة انا فكرت كتير قبل كدة فى الموضوع ده من مدة وعرفت ان انا محتاج فترة انسى فيها الحياة الجامعية ومحتاج فترة اشتغل فيها ومحتاج فترة اتاقلم فيها مع نفسى لكن موضوع الحب انا اده لكن الزواج والبيت والعيال دى حاجات كتيرة انا مش ادها حاليا لانها فوق قدراتى لانها محتاجة مسئولية كبيرة اوى وانى لازم اشتغل واعرف ان انا مسئول عن بيت وزوجة وعيال لو جم فحاجة صعبة ومحتاجة تأقلم كبير وانا مش مستعد حاليا الا بعد ماتخرج بان الله واشتغل واشوف نفسى لكن لو حب بس من غير ارتباط حاليا انا اقدر عليه عادى جدا

14_ماذا تعنى كلمه المستحيل ليك؟

بتعنى ليا حاجات كتير اوى ليا احلام كتير عارف ان هى صعبة جدا جدا جدا انها ممكن تتحقق وفقا للظروف اللى موجودة حاليا وممكن تكون مستحيلة بس كل مافكر انها مستحيل تتحقق فعلا بضايق جدا فكلمة المستحيل بتعنى ليا احلام كتير وصعب جدا تحقيقها للظروف اللى موجودة

15_هل انت مخلص فى حبك ؟ يعنى لما تيجى تحب بتخلص اوى

لو حبيت حب حقيقى بجد ومن كل قلبى وهى كمان كدة تكون بتحبنى وبتخاااااااف عليا وبتعبرنى انا وهى جزء واحد وعايشين لبعض ساعتها فعلا هكون مخلص ليها جدا جدا واحبها اوى مهما كانت الظرووووووووووووووووووف والاحوال وعمرى فى حياتى ماسيبها بس لو هى اتخلت عنى هتخلى عنها لكن لو متمسكة بيا انا عمرى ماسيبها خالص خالص وابدا وشئ مستحيل

كفايه كدة يااحمد انا عارفه ان الاعضاء التانين هيزعلوا عشان ان اخدت نصف الاسئله

كفاية ايه ياهنودة انا وسطى اتقطم بس عموما بجد اسئلتك جميلة جدا وشملت جزء كبير اوى من شخصيتى والحمد لله انا رديت بمنتهى الصراحة على اد ماقدر شكرا ياهنودة على اسئلتك دى بس لما تحطى اسئلة زى دى تانى ابقى حطى معاها قرص اسبرين عشان الصداع او قوليلى على مكان صيدلية تكون حلوة عشان ابقى اروحها

بس عايزين الصراحه زى ماتعودنا منك وياريت اسئلتى مش تضايقك وربنا معاك

ههههههههههههههههه
هههههههههههههههه
هههههههههههههه
والله كتر خيرك يا مونتو انك جاوبت على كل الاسئلة دى ربنا معاك فى الباقى
اصل هنودة كانت متوصية بيك اوى وكمان جة السندباد وقال الاسئلة مفتوحة

ياااااااااااااة 15 سؤال واحنا نسال اية دة انتى خدتى نص الاسئلة يا هنودة
يالة مش مهم
السؤال الاول

لو هتعيش مع حد واحد بس ف الدنيا دي كلها
مين الشخص اللي تختارة عشان يكون معاك لوحدكم ؟؟؟

ابصراحة مافيش شخص حتى الان افكر انه يكون معايا لواحدى انا ممكن اقولك على الصفات اللى احبها تكون موجودة فى الشخص اللى يكون معايا لو مثلا هتبقى بنت يبقى لازم تكون حبيبتى وبحبها وتكون هى كل حياتى وحاسس ان حياتى من غيرها مالهاش معنى واحس ان هى بتعتبرنى كل حياتها وانا هى واحد ومنقدرش نعيش من غير بعض اما لو ولد احب يكون واحد صاحبى يكون صاحبى جدا وراجل معايا وعارف انه بيقف معايا فى كتير جد من المواقف ويكون كويس وجدع هى دى المواصفات ان كانت بنت او ان كان ولد

السؤال التانى
هل انت بتحب الزواج عن حب ولا زواج الصالونات ؟؟؟

افضل الزواج عن حب لكن المسالة هنا مسالة نسبية شوية ياعنى فيه زواج عن طريق الحب وبيفشل وفيه زواج صالونات وبينجح والعكس برده فيه عن حب بينجح وفيه تقليدى بيفشل الموضوع كله بايد الانسان واختياره لشريك حياته فنا فى الموضوع ده سايب المسالة للقدر وللظرووووووووف لان زى ماقولتيلك مقدرش احدد ايه الزواج اللى ممكن يكون مناسب ليا عن حب ولا صالونات مع انى افضل عن حب لكن برده مضمنوش لان احتمال الفشل وارد فيه وبرده الصالونات احتمال الفشل وارد فيه فهى وظروفها لكن انا زى ماقولتيلك افضل عن حب وياريت ينجح ويتمم بزواااااااااااااااااااج وياريت تكون الظروووووووف واقفة معايا وكل حاجة فى صالحنا ان شاء الله

السؤال التالت
هل انت مع عمل المرأة ولا لاء ؟؟
بما انت راجل وكدة ترضى ان مراتك تشتغل اصل كتير جدا من الرجالة مبيرضوش

انا عكس كل الرجالة اللى بيرفضوا عمل المرأة انا مع عمل المرأة جدا جدا جدا زى مالرجل بيعمل انا عاوز المرأة تعمل زيه بالظبط بس لازم يكون عمل تبع الشهادة الجامعية اللى او الشهادة الل هى اتخرجت بيها وليس اى عمل وده لاسباب كتيرة جدا

اولا احنا فى سنة 2009 ولازم المرأة يكون ليها كيان فى المجتمع اللى احنا فيه وكمان عشان تحس بالظروف اللى بيمر بيها الرجل وتعرف ان الحياة صعبة لان المرأة لما بتكون قاعدة فى البيت مش بتحس بالفلوس اللى الرجل بيعمل وبيوفرها ليها فقط بتكون عاوزة فلوس وخلاص لكن مش حاسة بالتعب اللى بيبله الرجل فى الحصول على الاموال فلازم تحس بالحكاية دى وتعرف ان الحياة صعبة فلازم المرأة تعمل وانا عن نفسى افضل لما ارتبط زوجتى تعمل ........

ثانيا المرأة لما تعمل بتتحول وتكون انسانة ناضجة فكريا وعقليا وبيكون ليها اسلوب جميل فى الكلام وبتبدا تشغل عقلها فى حاجات كتير اوى وبتساعد الرجل فى حل مشاكله وبتقوله رايها فى حاجات كتير وبتساعده فى حياته وتدبير امور المنزل سوا مع بعض

ثالثا المرأة لازم هى والرجل يبنوا بيتهم سوا ومع بعض طبعا الرجل فوق المرأة ف الحاجات دى بس لازم المرأة تقف جمبه لان هما كيان واحد وزى ماقولتيلك لازم تكون مهنة حسب الشهادة اللى معاها ان كانت شهادة جامعية او غيرها
بس فى عيب واحد لعمل المرأة بس لازم المرأة تحاول تتجنبه وتوفق بينه وبين عملها وهو انها تهتم بالمنزل وبالبيت وتراعى اولادها وبيتها كويس جدا وتراعى زوجها وهى وشطارتها ان قدرت توفق بين منزلها وعملها

شكرا لاسئتك ياسهام وبجد اسئلة جميلة وانا رديت بصراحة اوى على الاسئلة

مرسية على ردك الجميلة دة على الاسئلة عقبال الباقى

انا بقى مش هتقل عليك في الاسئله يا احمد كفايه اسئله هنوده

السؤال الاول :
هل ممكن تنسى جرح الحبيب مع العلم انه جرحك جرح صعب وانت اتألمت منه كتير ؟

انا عمرى مانسى جرح الحبيب لانى مش بعرف انسى اى حاجة يمكن هى دى مشكلتى حساس شوية للكلام وطبعا لو جرح وكمان مش اى جرح ده جرح من اكتر حد بحبه فاكيد عمرى مانسى جرحه بس هعيش حياتى عادى وهنسااااااااااه والايام هتنسينى هو كشخص هنساها تماما لكن كاللى عملته فيا عمرى مانساه وهفضل فاكره وفاكر جرحها

السؤال الثاني :
هل ممكن تغفر الخيانه لاي حد ؟ وليه ؟

سؤالك شبيه بالسؤال الاول لكن طبعا انتى قولتى لاى حد ياعنى مخصتيش اللى بحبها ياعنى لو واحد صاحبى خانى اكيد مش هسامحه الا لو جه واعتر على اللى عمله بس برده بصراحة هبقى شايل منه الحركة اللى عملها هفضل فاكرها يمكن ظاهريا احنا متصالحين بس شايله اللى عمله فيا لانى مش بنسى الا لو هو حسيت منه انه اتغير تماما تماما وبقه انسان كويس جدا وندم على مافعله نهائى فاكيد هحاول انسى وخلاص ونتصالح خارجيا وداخلينا ونتصافى على طوووووووووووووووووول

السؤال الثالث :
هل تملكتك الغيرة او الحقد يوما ما من احد اصحابك ؟

ممكن تكون غيرة بسبب مجال معين انا وهو فيه وهو متفوق عليا فيه ساعتها هكون غيران منه شوية بس مش لدرجة انى احقد عليه عادى مجرد غيرة انى عاوز ابقى زيه مثلا فى المجال اللى هو فيه لكن حقد طبعا لاء لانه فى الاول والاخر صاحبى مش هحقد عليه هبقى غيران شوية عشان عاوز اوصل للى هو وصل ليه واكيد كلنا فينا طابع الغيرة محدش مش فيه موضوع الغيرة بس فيه اللى الغيرة عنده بتقلب لحقد وفيه اللى الغيرة عنده بتكون مجرد انه نفسه يكون احسن من كدة

السؤال الرابع :
هل انت شايف ان الولد ممكن يرتبط وهو لسه بيدرس ؟ وليه ؟

اه ممكن يرتبط عاطفيا ويحب انسانة ويشوف انسانة تكون فيها مواصفات كتيرة لكن يتزوجها او يبقى ارتباط رسمى وهو لسه طالب بيدرس اكيد لاء طبعا ماينفعش لانه لسه مش متحمل مسئولية ولسه صغير ولسه مش بيشتغل وتفكيره اكيد فى سنه ده بيكون تفكير لنفسه فقط ياعنى مش معقول هيفكر فى زواج وانه يخلف ويفتح بيت ويتحمل المسئولية الكبيرة دى وهو لسه طالب لا طبعا كل مرحلة عمرية وليها ظروووووووووفها ياعنى الطالب مرحلته اللى فيها يهتم بدراسته وبحياته الجامعية ويهتم بمستقبله وبعد كدة لما يخلص الدراسة ويشوف مستقبله يتوج حبه بالزواااااااااااااااااااااااج

السؤال الخامس :
بتحس ان مين اكتر واحد مخلص ليك في الدنيا ؟

مش بحس ان فى حد مخلص ليا فى الدنيا هو الاخلاص بيكون فى حدود المرحلة او الشئ اللى احنا فيه ياعنى صديقى فى الجامعة هيكون مخلص معايا واحنا فى الجامعة ومع بعض وكدة لكن بعد كدة لما بسيبه مقدرش اقول هيكون مخلص فى حقى وهيقول عليا كلام كويس بعد مامشى احتمال كبير لاء لان معدش فيه صداقة حقيقية الايام دى هو يمكن اكتر واحد مخلص ليك اكيد حبيبك واكيد لما احب حبيبتى تكون مخلصة ليا لو اخترتها صح لان ساعتها مافيش مصالح بينا وحبنا حب صافى مجرد من المصالح الشخصية

السؤال السادس :
هل ممكن تفضل نفسك على اعز اصحابك ؟ وهل انت من النوع اللي ممكن يغتاب اصحابه علشان نفسه ؟

والله مش عارف ممكن افضل نفسى ولا لاء اصل الصداقة الايام دى صداقة وقتية الصداقة فى الجامعة او فى اى مكان بتكون صداقة وقتية وبتنتهى بانتهاء الفترة اللى انت فيها فنا مش هفضل نفسى على حد الا اللى يستاهل انى افضل نفسى عشانه وبخصوص اغتاب اصحابى عشان نفسه دى بتبقى حسب النية انا ممكن اكون مثلا امشى مع واحد صاحبى واجيب سيرة واحد صاحبى تانى ونقول عمل كذا او كذا ده مجرد كلام عادى انا من نحيتى مبيكونش قصدى عشان نفسى ولا حاجة ممكن اكون بهظر بنضحك عادى جدا ياعنى دى حسب نية الشخص وهو بيتكلم ان كان بيقول كدة عشان يعلى من نفسه ولا مجرد هظار وانا مش بحب اعلى من نفسى ولا حاجة عادى لو صاحبى بقول عليه محترم وكويس معاه او مع غيره لو مش كويس هقول عليه كدة برده عمل كذا او كذا وكله حسب النيااااااااااات بس لو شخص مش كويس معايا وعمل فيا مواقف مش كويسة وخانى وحسيت ان هو استغل ده عشان يبقى احسن منى ساعتها ممكن اقول كلام ادام صاحبى التانى عشان اعرفه انه مخادع وانى احسن منه

بس كفايه عليك كده اوك
يالا جاوب بسرعه

اسئلتك بجد جميلة وحساسة وفيها جزء كبير من الصراحة واسئلة جميلة بس صعبة شوية شكرا ياهبة على اسئلتك

شكرااااااااااااااا يااحمد على ردودك بجد ردودك جميله ويالا عايزين الاجابه على الباقى

شكرا يا احمد على اجباتك بجد اجابات صريحه وجميله بجد

ربنا معاك فى باقى الاسئله وبرده تجاوب عليها بكل صراحه كده

بصراحه ربنا معا المونتو
الاسئله كتيير وحلوة وانا كمان هسألك كام سؤال ومش هكتر هنوده بصراحه قامت بالواجب

1_اكتر موقف مؤلم فى حياتك ؟او حد خانك قبل كده من اصدقاءك؟؟؟

اكتر موقف مؤلم فى حياتى لما حصل فراق مع اول انسانة حبيتها بجد موقف صعب جدا وبخصوص حد خانى من اصدقائى فالخيانات اتكررت كتير بس باشكال مختلفة ومهما قولت اكيد محدش بيتعلم بالساهل كلها درووووووووس بستفيد منها فى حياتى

2_مين اكتر شخصيه عجبتك ؟وليه؟.؟؟؟

اهو فيه شخصيتين عجبنى اول شخصية شخصية خالد بن الوليد وتانى شخصية شخصية الظاهر بيبرس والاتنين عجبنى لاسباب كتير اهمها دهائهم الشديد وقدرتهم على قيادة المعارك والحروووووووب وسرعة البديهة والقيادة السليمة وكان ليهم مساهمة كبيرة فى هزيمة اعداء الاسلام شخصيات فعلا تستحق كل التقدير

3_امتى اخر مرى بكيت فيها وليه؟؟؟؟ وايه رأيك فى دموع الرجل شايف انها عادى

ولا غلط ان الرجل يبكى زى ما البعض بيقول كده؟؟؟

انا اخر مرة بكيت فيها لما كان عندى 10 سنين وليه عشان اخويا اخد منى كيس الشيبسى بكيت كتير موقف صعب فعلا ومؤثر هههههه
وبخصوص دموع الرجل انا شايف ان دموع الرجل لو بكى فعلا بتكون قوية جدا وصادقة جدا عن دموع المرأة ولكن الرجل انا شايف ان موضوع بكائه حسب الحالة والموقف اللى هو فيه هل يستدعى البكاء ام لاء ياعنى مثلا واحد والديه توفوا لازم من كتر حبه فى ابوه او امه شئ طبيعى انه يبكى والبكاء فى هذه الحالة لايعتبر ضعف بالعكس يعتبر قوة وان الرجل وافى لاهله لكن فى حالات تانية كتير الرجل لما يبكى بيعتبر ضعف واستسلام زى المواقف اللى بتمر بينا فى حياتنا ايه اللى يخلى الرجل يبكى مثلا حصله مشكلة مع زوجته او فى شغله هل ده يخليه يبكى طبعا لو بكى فى هذه الحالة بيكون انسان ضعيف جدا ومستسلم لازم يكون متماسك الا طبعا فى الحالات القهرية اللى انا قولت عليها زى وفاة احد من اهله او كدة وممكن الرجل يبكى من خشية الله عند قرأة القرأن ده شئ جميل جدا وبيدل على مدى حبه لله ومدى تأثره بالقرأن او عندما يبكى لسماع قصة مؤثرة كل دى علامات قوة ولكن فى الامور التانية البسيطة ومشاكل الحياة بيكون ضعف لو بكى عشان المشاكل والامور البسيطة دى

_ايه رأيك فى الانتقام فى الحب ؟يعنى ممكن تكون بتحب واحده ويحصل اى ظروف تبعدكوا ع بعض
يا ترى هتنتقم منها حتى لو هى غطت فيك ؟ولا الى بيحب بيسامح؟؟؟
(وطبعا ما نتمناش يحصل ده لاى حد ان شاء الله)

انا دايما واخد مبدأ فى حياتى وبطبقه فى اى حاجة حب او غير حب بعامل اللى ادامى بمثل مايعاملنى ياعنى المسالة نسبية لو انا ارتبط بانسانة والظروف القهرية هى السبب فى بعادها عنى وحبينا بعض وكنا مخلصين لبعض بس القدر هو السبب فى بعادها عنى طبعا انا هكن ليها كل الاحترام وهفتكرها دايما بالخير وافتكر الذكريات الحلوة اللى كانت بينا لكن مثلا اكون بحب بنت وهى بتحبنى وكويسين مع بعض وتخونى او تطلع ندلة او معندهاش وفاء ساعتها بنتقم وبنتقم اوى لان هى اللى بدات والبادى اظلم وانا مش باخد اكتر من حقى بس بعد ما اخد حقى منها وانتقم ساعتها افكر انى اسامحها ونتسامح هى دى نظرتى فى الموضوع ده

5_ (اللى راح راح ومش هتنفع كلمه يا ريت ) الجمله دى بتفكرك بايه؟؟؟

بتفكرنى بحاجات كتير اوى بتفكرنى بالحاجات اللى كان ممكن اعملها ومعملتهاش وندمت بعد كدة بس هى حاجات كتير ومش هقدر احصرهم بس ممكن اقوووول اول سنة ليا فى الجامعة كان ممكن اخطط مستقبلى فى اول سنة واجيب تقديرات وافكر فى مستقبلى لكن انا طبعا مبداتش افكر الا وانا فى تالتة فاكيد هقول ياريت كنت بدات من سنة اولى وفكرت صح وفكرت كويس قبل اى حاجة
وكفايا عليك كده هههههههههههههه

شكرا لاسئلتك اللذيذة دى يا فلسفة الحب اسئلة بجد جميلة جدا وحلوة وانا رديت بصراحة شديدة

معلش يا احمد انا عندي كمان كام سؤال بس من اجاباتك
معلش استحملني شويه صغيرة

ايه الامنيه الى انت اتمنتها فى يوم من الايام ومش اتحققت؟

اتمنين انى ارتبط بانسانة من حوالى 5 سنين ومتحققتش هى دى الحاجة اللى ممكن اكون فاكرها ومتحققتش مع انى كنت بانى اكتر احلامى عليها

سؤالي انا :: لو حبيبتك دي جتلك تان ويكانت عايزة ترجع ليك هيكون رد فعلك ايه وليه ؟

................

باقي اسئلتي :

1: مين العضو او العضوة اللى نفسك تتعرف عليه؟
2: مين العضو او العضوة اللى بتحس انه متفق معاك اوى ؟
3: مين العضو او العضوة اللى نفسك تشوفه على الحقيقة ؟
4: مين العضو اللى بيعجبك ارائه ؟

5: عايش حياتك بإطمئنان؟؟؟
6: اية أكتر حاجة خايف منها؟؟؟
7: افتكر دقيقة اثرت في حياتك؟؟؟
8 :عندك كام ولد بالمسنجر -- وكام بنت بالمسنجر برده ؟

اه اما بالنسبه لاجاباتك فهي حلوة بس ليا كام تعليقك هقولهم ان شاء الله بعد البراءة

ازيك يا ابوحميد يارب تكون بخير......... انا مش هتقل عليك فى الاسئلة

* * ايه هى اجمل حاجة فى حياتك

هل من الممكن ان تحب من على الانترنت...او اانك تعترف بحب النت....!

يارب اكون ضيف خفيف عليك يا ماااااااااااااااان

** ادخــل الان وشــارك لعبة كرسى الاعتراف **

ادخــل الان وشــارك لعبة كرسى الاعتراف